"إليسار نيوز" Elissar News

بعد الإشكال في أحد مطاعم أنطلياس، توجه عضو "تكتل لبنان القوي" النائب زياد أسود بـ "رسالة لكل اللبنانيين"، قال فيها: "نحن الأوادم، نحن اللي ما منعتدي عحدا، نحن اللي عنا أخلاق، نحن منعرف كيف نتخاصم مع الناس بالسياسة وبشرف، ونحن اللي منروح محل ما بدنا وبحريتنا، تحية لكل شباب التيار الوطني الحر، وتحية أكبر لفخامة الرئيس، اللي عم يتعرض اليوم وكل يوم، ونحن معه من هلق لتخلص الدني، وما حدا بضهرنا لا من مطعم ولا من بيت، ولا من طريق، ما حدا يلعب معنا من هلق ورايح المزح خلص".

وقال في فيديو آخر "نحن ما منعتدي عحدا وكرامتنا فوق كل الناس، واللي بدو يعتدي علينا، رح يشوف شي ما بيعجبه، لا اليوم ولا بكرة ولا بعد 100 يوم".

وانتشرت صورة عبر مواقع التواصل، تظهر النائب أسود والنائب آدي معلوف والوزير السابق الياس بو صعب.