"إليسار نيوز" Elissar News

فاجأت الفنانة المصرية الشابة سارة عبد الرحمن الجمهور في مهرجان الجونة السينمائي، بارتدائها ملابس مصنوعة من أكياس بلاستيكية أعيد تدويرها.

ونشرت الفنانة سارة صورا لها في ملابسها الجديدة على صفحتها في فيسبوك مشيرة إلى أن استهلاك مصر كميات هائلة من الأكياس البلاستيكية في السنة.

وكتبت: "مبسوطة أقول إن اللي أنا لابساه ده معمول من 30 كيسا بلاستيكيا معاد تدويرهم، Upfuse براند مصري يصنع حقائب من أكياس البلاستيك كمشروع ينشر الوعي للحفاظ على البيئة".

وعرفت الفنانة سارة للجمهور من خلال دورها في مسلسل "سابع جار"، وحاولت بارتدائها هذا الزي التوعية لمشكلة القمامة في مصر، وكيفية حلها بإعادة تدويرها والاستفادة منها.

وقالت على صفحتها في فيسبوك: "مصر بتنتج ١٢ مليار كيس بلاستيك في السنة. و١-٥ بالمئة‏ من العدد ده بس بيعاد تدويره، الباقي بيفضل مدة طويلة في قوالب القمامة ومع الشمس بيطلع مادة سامة اسمها الميثان اللي بيضر الانسان وبيجبله امراض منها السرطان. أو بيستقر في البحر او الصحرا عشان يهدد الثروة الحيوانية، في الغردقة مثلا شعب مرجانية بتموت وتتدمر بسبب الأكياس البلاستيك. القمامة كارثة محتاجين نعرف عنها أكتر عشان نبتدي نعمل أي حاجة تنقذ الموقف زي مثلا إعادة التدوير".

وأضافت: "حاجة زي كدة اكيد مش هاتتحل بين يوم و ليلة واكيد برضه مانعرفش نمشي بالشكل الـ perfect عشان نصلحه بس اهو بنحاول ناخد خطوات صغيرة. فمبسوطة اقول ان اللي انا لابساه ده معمول من ٣٠ كيس بلاستيك مُعاد تدويرهم. Upfuse براند مصري بيصنع شنط من أكياس البلاستيك كمشروع ينشر الوعي للحفاظ على البيئة. هما عادة بيصنعوا شنط لكن رحبوا بفكرة تنفيذ التوب ده مخصوص، اللي صممته الموهوبة جدا إزميرالدا رضوان @esmeraldaradwanofficial واللي صنعوا الخامة نفسها هما سيدات منشية ناصر اللي من خلال upfuse بيكون عندهم دخل ثابت يحميهم من شغلانة فصل القمامة المسببة لأمراض كتير زي التيتانوس. ووكالة الستايلينج اللي ساعدتني في تصميم اللوك هي new blood".